Wala ng buhay nang isugod sa Ospital ng Palawan ang isang tricycle driver matapos aksidenteng bumangga ang minamaneho nitong tricycle sa likurang bahagi ng isang truck na nakaparada sa South National Highway sa Barangay Sicsican, bandang alas 5 ng umaga, ngayong araw, August 4.
Kinilala ang biktima na si Silvino Mengarene Macaraeg, 69 taong gulang.
Base sa report ng City Police Station 2, pumarada ang truck sa lugar bandang alas 3 ng madaling araw matapos maubusan ng krudo. Naglagay naman umano ng mga pinutol na sanga bilang warning device na posibleng hindi napansin ng driver ng traysikel.
