Tatlong menor de edad ang dinala sa Police Station 1 (PS1) matapos silang makita ng mga tauhan ng Puerto Princesa City Anti-Crime Task Force (PPCACTF) na may dalang pliers at lagaring pangbakal habang may blackout sa Temporary Shelter sa Barangay Bagong Silang nitong Huwebes ng gabi.
Batay sa incident report ng PPCACTF, naka-duty ang kanilang mga tauhan sa Gate 2 ng Temporary Shelter nang mapansin nila ang tatlong kabataang dumaan sa harap ng kanilang opisina. Nang kanilang sitahin, nakita umano sa isa sa mga bata ang pliers at lagaring pangbakal.
Ayon sa PPCACTF, sinabi ng mga kabataan na gagamitin nila ang mga kagamitan sa pagkuha ng wire. Gayunman, nang ipaturo ng mga tauhan ang lugar kung saan umano sila kukuha ng wire, wala silang nakitang anumang wire sa lugar na itinuro ng mga ito.
Kinilala ang mga menor de edad bilang sina “Rusty,” 12; “Jumar,” 13; at “Jacob,” 12, na pawang residente ng Temporary Shelter sa Barangay Bagong Silang.
Dahil sa hindi umano mapatunayan ang kanilang paliwanag, dinala ng PPCACTF ang tatlong menor de edad sa PS1 para sa karagdagang imbestigasyon.
Matatandaan na noong isang araw lang ay nadiskubre ng task force na ilang mga poste ng street light sa Barangay San Jose na naging dahilan ng hindi na paggana ng mga ito.
