LUNGSOD QUEZON — Lumahok ang MIMAROPA noong ika-13 ng Agosto, taong kasalukuyan, sa National Community Volunteer’s Congress para ibahagi ang karanasan nito sa pagpapatupad ng programang Kapit-Bisig Laban sa Kahirapan – Comprehensive and Integrated Delivery of Social Services (Kalahi-CIDSS).
Mayroong 200 community volunteers ang lumahok sa Congress at 10 sa mga kalahok ay mula sa MIMAROPA.
Ang mga kalahaok na taga-Mimaropa ay mga Barangay Sub-Project Management Committee (BSPMC) chairpersons mula sa mga bayan ng Quezon, Balabac, Taytay, at Narra (Palawan), Calatrava at Magdiwang (Romblon), Magsaysay at Sablayan (Occidental Mindoro), at Gloria (Oriental Mindoro).
Sa pamamagitan ng Community-Driven Development strategy ng Kalahi-CIDSS, kasama ang mga miyembro ng komunidad sa pagpaplano, pagtukoy, pagpapalakad, pagbabantay at pangangasiwa ng mga proyekto para sa mga maralitang kumunidad.
Sa ngayon, ang Kalahi-CIDSS Mimaropa ay mayroong 32,017 community volunteers na nangunguna sa pagpapatupad ng mga proyekto sa kani-kanilang barangay. (LP/DSWD-Mimaropa)
