Nahuli sa isang entrapment operation ang isang lalaki habang ang kasama nito ay nakatakas ngunit kalaunan ay personal na sumuko sa pulisya kaugnay ng umano’y pangingikil o extortion sa pamamagitan ng blackmail laban sa isang Sangguniang Kabataan chairman sa bayang ito noong madaling araw ng Miyerkules, May 6.
Ang nahuling suspek na rider ay isang 23 years old na mekaniko at residente ng Barangay District II, habang nakatakas naman ang driver ng motorsiklo na kinilalang si alyas Puting.
Sa ulat ng pulisya, dumulog sa himpilan ang biktima noong May 5 matapos makatanggap ng pagbabanta mula sa isang pekeng Facebook account na humihingi ng pera.
Sa salaysay ng biktima, hinihingan umano siya ng ₱15,000 kapalit ng hindi pagpapakalat ng pribadong pag-uusap nila ng suspek.
Agad namang naglatag ng operasyon ang mga awtoridad sa bahagi ng Brooke’s Point Central School, na nagresulta sa pagkakaaresto ng isa sa mga suspek.
Bago ang operasyon, inilagay ang boodle money sa isang trash bag. Dakong ala-una ng madaling araw, dumating ang dalawang lalaking sakay ng motorsiklo. Nahuli ang angkas habang nakatakas naman ang driver na si Puting sa hindi malamang direksyon.
Narekober mula sa suspek ang kabuuang ₱15,000, kung saan tatlong piraso ay totoong perang papel habang ang 12 ay marked money.
Bukod sa pera, nakuha rin mula sa suspek ang isang glass tube na may residue ng hinihinalang marijuana at isang lighter.
Ayon sa imbestigador, posibleng nakaramdam agad ng operasyon ang driver kaya mabilis itong nakatakas. Gayunman, dakong alas-onse ng umaga noong Miyerkules ay personal din itong sumuko sa pulisya.
“Maari pong nakaramdam ang driver, pero sumuko rin po ito sa atin dakong 11 a.m. noong May 6. Nasa kustodiya na sila ng ating istasyon,” sabi ng imbestigador.
Nasa kustodiya na ng pulisya ang dalawang suspek at inihahanda na ang kaukulang mga kaso laban sa kanila.
READ IN ENGLISH
Two arrested in alleged extortion case against SK chairman
A man was arrested in an entrapment operation while his companion initially escaped but later personally surrendered to the police in connection with the alleged extortion and blackmail of a Sangguniang Kabataan chairman in the town early Wednesday morning, May 6.
The arrested suspect, who served as the rider, is a 23-year-old mechanic and resident of Barangay District II, while the motorcycle driver who escaped was identified only by the alias “Puting.”
According to the police report, the victim sought assistance from the police station on May 5 after receiving threats from a fake Facebook account demanding money.
The victim alleged that he was being asked to pay ₱15,000 in exchange for not spreading his private conversation with the suspect.
Authorities immediately launched an operation near Brooke’s Point Central School, which resulted in the arrest of one of the suspects.
Before the operation, the marked money was placed inside a trash bag. At around 1 a.m., two men riding a motorcycle arrived at the area. The back rider was arrested while the driver, alias Puting, escaped in an unknown direction.
Recovered from the suspect was the total amount of ₱15,000, of which three bills were genuine money while the remaining 12 were marked money.
Aside from the cash, authorities also recovered a glass tube containing residue of suspected marijuana and a lighter from the suspect.
According to the investigator, the driver may have sensed the operation, allowing him to flee quickly. However, at around 11 a.m. on Wednesday, he personally surrendered to the police.
“Maari pong nakaramdam ang driver, pero sumuko rin po ito sa atin dakong 11 a.m. noong May 6. Nasa kustodiya na sila ng ating istasyon,” the investigator said.
Both suspects are now under police custody while appropriate charges are being prepared against them.
