Iginiit ni Sen. Alan Peter Cayetano nitong Linggo na walang “ghost” flood control project sa Taguig City at hinamon si Sen. Panfilo “Ping” Lacson na huwag umanong ituon lamang sa kanilang lungsod ang planong imbestigasyon ng Senado.
Sa isang Facebook Live, sinabi ni Cayetano na nauna nang nagpahayag ang Office of the Ombudsman noong 2025 na wala itong nakitang ghost projects sa Taguig. Aniya, nagsagawa rin ng hiwalay na pagsusuri ang kanyang tanggapan at pareho rin ang naging resulta.
“Walang ghost projects sa Taguig. At kung may maipapakita kayo, mananagot sila. Pero nang sundan namin ang pondo ng gobyerno, nandoon ang mga proyekto,” ani Cayetano.
Hinamon din niya si Lacson na siyasatin din ang iba pang highly urbanized cities tulad ng Quezon City, Mandaluyong, Makati, at Parañaque upang patunayang hindi lamang umano ang Taguig ang pinupuntirya nito.
“Hindi ko sinasabing may problema ang mga lungsod na iyon. Ang sinasabi ko lang, kailangang ipakita ni Senator Lacson na hindi lang siya galit sa isang tao,” dagdag niya.
Ang pahayag ni Cayetano ay tugon sa naunang alegasyon ni Lacson na may umano’y ghost flood control project sa Taguig na nakatakdang busisiin ng Senate Blue Ribbon Committee kapag nagsimula na itong magsagawa ng mga pagdinig.
Nauna ring sinabi ni Lacson na umaasa siyang may mga witness at informant na maglalabas ng ebidensya laban kay Cayetano kaugnay ng umano’y katiwalian sa flood control projects.
Lalong tumindi ang palitan ng akusasyon ng dalawang senador nitong mga nakaraang araw matapos akusahan ni Cayetano sina Lacson at Sen. Erwin Tulfo na umano’y lumaki ang kanilang net worth, habang iginiit naman ni Lacson na may bilyun-bilyong budget insertions si Cayetano sa 2025 national budget.
READ IN ENGLISH
Cayetano: No ‘ghost’ flood control project in Taguig
Sen. Alan Peter Cayetano insisted on Sunday that there were no “ghost” flood control projects in Taguig City and challenged Sen. Panfilo “Ping” Lacson not to limit the planned Senate investigation to their city.
In a Facebook Live broadcast, Cayetano said the Office of the Ombudsman had announced in 2025 that it found no ghost projects in Taguig. He said his office conducted a separate review that reached the same conclusion.
“There are no ghost projects in Taguig. And if you can show any, those responsible will be held accountable. But when we followed the government funds, the projects were there,” Cayetano said.
He also challenged Lacson to investigate other highly urbanized cities, including Quezon City, Mandaluyong, Makati, and Parañaque, to show that Taguig was not being singled out.
“I’m not saying there are problems in those cities. I’m only saying that Senator Lacson needs to show that he is not just angry at one person,” he added.
Cayetano issued the statement in response to Lacson’s earlier allegation that there was a supposed ghost flood control project in Taguig, which the Senate Blue Ribbon Committee is expected to examine once it begins its hearings.
Lacson had also said he hoped witnesses and informants would present evidence against Cayetano over alleged corruption involving flood control projects.
The exchange between the two senators has intensified in recent days. Cayetano accused Lacson and Sen. Erwin Tulfo of increasing their net worth, while Lacson alleged that Cayetano had billions of pesos in budget insertions in the 2025 national budget.
