Tumiwalag sa sinasabing suporta sa makakaliwang grupo ang isang 74 anyos na katutubong Palaw’an sa Sitio Barakbakan, Barangay Sandoval, Bataraza, Palawan nitong Martes, June 16.
Kinilala ang indibidwal sa alyas “Cor,” isang magsasaka na dati umanong nakaugnay sa New People’s Army sa southern Palawan sa ilalim ng Bienvenido Vallaver Command.
Ayon sa mga awtoridad, isinagawa ang pagtulong at pag-asiste sa kanyang pahayag ng pagbawi ng suporta ng mga tauhan ng 1st Palawan Provincial Mobile Force Company, Provincial Intelligence Unit ng Palawan Police Provincial Office, Bataraza Municipal Police Station, at Regional Mobile Force Battalion 4B.
Sasailalim pa sa karagdagang dokumentasyon at debriefing ang naturang katutubo.
Samantala, hiwalay na operasyon, naaresto ng Dumaran Municipal Police Station ang isang lalaking wanted sa dalawang bilang ng kasong Direct Assault Upon an Agent of a Person in Authority sa Barangay Poblacion, Dumaran, nitong Lunes, June 15.
Isinilbi ang warrant of arrest laban sa suspek, na may nakalaang ₱30,000 piyansa para sa pansamantalang kalayaan.
Kasalukuyang nasa kustodiya ng Dumaran MPS ang suspek at nakatakdang iharap sa Municipal Circuit Trial Court ng Araceli-Dumaran.
