Natagpuang patay ang isang 34 anyos na mangingisda Sabado ng umaga sa Purok Paglaom 3 Seashore sa Barangay Mangingisda, Puerto Princesa City.
Kinilala ito ng pulisya ang biktima na si Hernan Moraca Lagaras, 34, residente ng kalapit na Purok Paglaom 1 sa natura rin na barangay.
Base sa inisyal na report ng City Police Station 2, nakatanggap sila ng tawag mula kay Kgd. Cresencio Gapuz Jr. bandang 9:40 ng umaga at ipinaalam na may nakitang katawan sa tabi ng dagat.
Nakainom umano ng alak si Lagaras bago ito pumalaot. Pinaghahanap rin si Lagaras ng kanyang mga kamag-anak ngunit natagpuan na lang itong patay dahil sa pagkalunod habang nangingisda.
- Advertisement -
- Advertisement -
