Jul 8, 2020

Rotational brownout, mararanasan sa Southern Palawan

Apektado ng brownout ang mga bayan ng Bataraza, Brooke’s Point, at Sofronio Española.

BROOKE’S POINT, Palawan — Dinaranas ng mga residente sa tatlong bayan sa southern Palawan ang tatlong araw na rotational brownout na nag-umpisa noong June 9 at magtatagal hanggang June 11.

Apektado ng brownout ang mga bayan ng Bataraza, Brooke’s Point, at Sofronio Española.

Ayon kay Engr. Ian Badua, Brooke’s Point Electrical Services Officer, ina-upgrade ng PALECO ang mga distribution lines mula sa DMCI Power Corp. at National Power Corporation (NPC).

“May ilaw tayo sa gabi pero no assurances sa umaga ng June 9 to June 11 — tatlong araw itong pag-aayos ng mga distribution line natin,” sabi ni Badua.

Noong mga nakaraang linggo, sunod-sunod ang power interruption sa dalawang bayan ng Brooke’s Point at Bataraza dahil nagkaroon ng shortage ang DMCI na 5.4 megawatts.

Nasa 4.0 megawatts lang kasi ang nakayang mai-provide nito sa ngayon.

“Five gensets at 0.8MW each genset lang ang power supply capacity ng genset ng DMCI kaya nasa 4.0 lang ang na-provide nila. Sa ngayon isa din yon sa problema na nagbigay naman sila ng kasiguraduhan na magdagdag ng genset pero di natin alam kung kailan,” dagdag niya.

Share your vote!


How do you feel about this post?
  • Happy
  • Sad
  • Angry