Nagbabala ang Palawan Provincial Police Office (PPO) laban sa mga ilegal na paputok ngayong papalapit na ang holiday season.

Sa panayam ng Palawan News sa hepe ng PPO na si P/Lt. Col. Adonis Guzman, higit 18 uri ng mga paputok ang ipinagbabawal ibenta.

Ito ay ang mga sumusunod:

  1. Watusi
  2. Piccolo
  3. Poppop
  4. Five Star
  5. Pla-pla
  6. Lolo Thunder
  7. Giant Bawang
  8. Giant Whistle Bomb
  9. Atomic Bomb
  10. Super Lolo
  11. Atomic Triangle
  12. Goodbye Bading
  13. Large-size Judas Belt
  14. Goodbye Philippines
  15. Goodbye Delima
  16. Bin Laden
  17. Hello Columbia
  18. Mother Rockets
  19. Goodbye Napoles
  20. Coke-in-Can
  21. Super Yolanda
  22. Pillbox
  23. Mother Rockets
  24. Boga
  25. Kwiton
  26. Kabasi

Ayon pa kay Guzman, magsasagawa sila ng mga inspection at pagbisita sa mga tindahan ng paputok upang makasiguro na walang ipinagbabawal ang maibebenta sa merkado.

Mga personnel ng Puerto Princesa Bureau of Fire Protection, nag-iinspeksyon na sa ginagawang mga tindahan ng paputok sa Peneyra Road sa likod ng City Coliseum.

Magsasagawa din ng Oplan Sita at maigting na pagpapatrolya ang PPO para naman sa mga nagpapaputok sa lansagan.

Dagdag pa ni Guzman, patuloy din ang kanilang pagpapaalala sa social media patungkol sa mga ipinagbabawal na paputok.

Base sa Republic Act 7183 o ang batas na nagreregulate sa bentahan, pag gawa at pag gamit ng mga paputok, maaring makulong ng 6 hanggang 1 taon, multa ng P20,000 hanggang P30,000 at kanselasyon ng permit para sa mga nagbebenta nito.

Ayon pa sa PPO, ang kanilang paghihigpit ay para na rin mapanatiling ligtas at payapa ang pagdiriwang ng pasko at bagong taon sa lalawigan.

About Post Author

Previous articleScheduled blackout sa Dec. 10-11 dahil sa tie line maintenance at parallel activity ng Napocor at PALECO
Next articleP4.2 billion 2023 prov’l gov’t budget set for approval
covers the police beat and other law enforcement agencies in the province. Her interest includes traveling and photography.