Jul 3, 2020

Pamimigay ng 25 kilos na bigas kada household, itutuloy sa Sofronio Española

Sa panayam ng Palawan News kay Mayor Marsito Acoy, sinabi nitong itutuloy nilang makumpleto ang tig-25 kilos na bigas para sa mga household sa Panitian, Labog, Punang, Iraray, at Pulot Shore na hindi nakatanggap ng 1st wave dahil sa kakulangan ng suplay sa National Food Authority (NFA).

SOFRONIO ESPAÑOLA, Palawan — Inaasahang mauumpisahan na sa Martes ang pagkumpleto ng relief operations para mabigyan ng tig-25 kilos na bigas ang may 5,000 households na hindi pa nakatatanggap sa limang barangay sa munisipyong ito.

Sa panayam ng Palawan News kay Mayor Marsito Acoy, sinabi nitong itutuloy nilang makumpleto ang tig-25 kilos na bigas para sa mga household sa Panitian, Labog, Punang, Iraray, at Pulot Shore na hindi nakatanggap ng 1st wave dahil sa kakulangan ng suplay sa National Food Authority (NFA).

Sabi ni Acoy, mayroon pa silang 3,000 sako ng palay na naka-reserba at maaaring ipamahagi sa Martes o hindi kaya at sa Miyerkules.

“Tinitiyak natin na mabibigyan talaga lahat. Nagkulang lang tayo ng order sa NFA dahil limited talaga ang supply natin doon pero may 3,000 tayong parating para ang limang barangay ay mabigyan na,” sabi niya.

Sa kabuoan ay mayroong 10,500 households sa bayan ng Sofronio Española ang dapat makatanggap ng tig-25 kilos ng bigas.

Share your vote!


How do you feel about this post?
  • Happy
  • Sad
  • Angry