Jul 14, 2020

Pagdura sa mga pampublikong lugar bawal na sa Romblon

Ang nasabing ordinansa na ipinanukala ni Atty. Rachel Bañares ay naglalayong masiguro na hindi kakalat ang COVID-19 at iba pang sakit na napapasa sa pamamagitan ng pagdura.

Simula ngayong araw ay bawal na ang pagdudura sa mga pampublikong lugar sa buong lalawigan ng Romblon, alinsunod sa ordinansang ipinasa ng Sangguniang Panlalawigan nitong ika-5 ng Mayo. (PIA-Romblon FILE PHOTO)

ODIONGAN, Romblon, Mayo 13 (PIA) — Simula ngayong araw ay bawal na ang pagdura sa mga pampublikong lugar sa buong lalawigan ng Romblon, alinsunod sa ordinansang ipinasa ng Sangguniang Panlalawigan nitong Mayo 5.

Ang nasabing ordinansa na ipinanukala ni Atty. Rachel Bañares ay naglalayong masiguro na hindi kakalat ang COVID-19 at iba pang sakit na napapasa sa pamamagitan ng pagdura.

Ang mahuhuling lalabag sa Ordinance No. 01-2020 ng Sangguniang Panlalawigan o ang Anti-Spitting Ordinance ay bibigyan ng citation ticket at pagmumultahin ng P1,000 hanggang P2,000.

Inaatasan ng Sangguniang Panlalawigan ng Romblon ang Philippine National Police na mahigpit na ipatupad ang nasabing ordinansa.

Maliban sa Anti-Spitting Ordinance, nagpasa rin ng ordinansa ang Sangguniang Panlalawigan kung saan nagbibigay ng parusa sa mga mapapatunayang magbibigay kahihiyan, mananakot sa mga health workers; frontliners; at mga pasyenteng kumpirmado o hinihinalang may COVID-19.

Penalidad naman mula P1,000 hanggnag P2,500 naman ang maaring ipataw sa lalabag sa nasabing ordinansa. (PJF/PIA-Mimaropa)

Share your vote!


How do you feel about this post?
  • Happy
  • Sad
  • Angry