Isang van driver na wanted sa kasong panggagahasa ang inaresto ng awtoridad sa Barangay 2 sa bayan ng Roxas nitong araw nang Sabado, Disyembre 4.

Ang suspek ay kinilalang si Jayson Dangue dela Torre, 31 taong gulang, at itinuturing na No. 6 most wanted sa lalawigan ng Palawan.

Si Dela Torre ay inaresto sa bisa ng warrant na inilabas ni Judge Emmanuel Q. Artazo ng Taytay Municipal Court Branch 14, (Family Court) na may petsang October 18, 2001, para sa paglabag sa Republic Act 7610 o ang Special Protection of Children Against Abuse, Exploitation and Discrimination Act, at walang nakalaang piyansa para sa kanyang pansamantalang kalayaan.

Maliban sa sinabing krimen na naganap sa bayan ng El Nido, wala ng iba pang naibigay na detalye ang Roxas Municipal Police Station kaugnay ng nasabing kaso.

- Advertisement -

Ang suspek ay nasa kustodiya ngayon ng Roxas MPS para sa kaukulang disposisyon.

Previous articleMIMAROPA tourism prepares for industry reopening
Next articlePinakamatandang Agutaynen sa bayan ng San Vicente, nagdiwang ng ika-101 kaarawan
covers the police beat and other law enforcement agencies in the province. Her interest includes traveling and photography.