Isang high-value individual ang inaresto sa buy-bust operation ng Regional Police Drug Enforcement Unit (PDEU) dahil sa hinalang siya ay tulak ng droga sa Sitio Bukid-Bukid, Barangay Rio Tuba, Bataraza, bandang 9:30 noong Martes, Pebrero 8.
Kinilala ang supek na si Roteer Esparagoza Maximo, alyas “Roteer/Jefrey”, 33 taong gulang.
Maliban sa isang sachet na nabili sa supek ng undercover agent ng PDEU, nakuha din sa kanya ang isang envelope na naglalaman ng limang sachets pa ng pinaghihinalaan din na shabu, at P1,500 na halaga ng pera na ginamit bilang buy-bust money.
Sa kabuuan umaabot sa mahigit kumulang 0.65 grams ng pinaghihinalaang shabu na may halagang aabot sa P9,000.
- Advertisement -
