BROOKE’S POINT, Palawan – Ang grupo ng Marine Battalion Landing Team-4 sa pamamagitan ng AIM HIGH Facebook page ay nagpasalamat sa mga mamamayan ng Brooke’s Point na nakipag-tulungan upang ganap na mahuli ang mga matataas na lider ng rebeldeng grupo ng New People’s Army (NPA) sa kabundukan ng Barangay Mainit sa bayang ito.
Ayon sa kanilang ipinost noong September 19, 2020, malaki ang naitulong ng mga nagsumbong na mamayan upang maging matagumpay ang kanilang operasyon.
Sinabi rin nila na hindi matagal ang pamamalagi ng mga napaslang sa bayan ayon sa kanilang impormasyong kanilang nakalap.
“Ang MBLT-4 po ay tapos pusong nagpapasalamat sa lokalidad ng Brooke’s Point sa kanilang kooperasyon na maisuplong and teroristang grupo, walang sawang tulong at pakikipag-ugnayan upang masugpo ang mga matataas na lider ng mga teroristang NPA na namalagi ng konting araw sa mga liblib na kabundukan ng Brooke’s Point, Palawan,” ayon sa MBLT-4.
Nagpasalamat din sila sa suporta ng MTF ELCAC Brooke’s Point sa suportang ibinigay nito upang maibaba ang mga bangkay ng NPA at isaayos ang mga ito.
“Ganoon din sa MTF ELCAC Brooke’s Point Palawan sa kanilang tulong at suporta sa pagbaba mula sa kabundokan at pag-aayos sa mga labi ng mga teroristang grupo pagkatapos ng matagumpay na operasyong militay,” ayon pa sa kanilang post.
About Post Author
