Si Atty. Ronnil Rosillo, chief legal officer ng DAR-Mimaropa (gitna, naka-lila ng polo) habang kausap ang mga Agrarian Reform Beneficiaries (ARBs) sa Taytay, Palawan sa isinagawang 'Lawyers to the Benepisyaryo' noong Hulyo 13. (Larawan mula sa DAR-PUERTO PRINCESA, Palawan PIA)
- Advertisement by Google -

Umabot sa 292 na mga magsasaka mula sa bayan ng Roxas at Taytay ang nabigyan ng free legal assistance sa isinagawang community outreach program ng legal team ng Department of Agrarian Reform (DAR)-Regional Office sa MIMAROPA noong Hulyo 13-14.

Ang nasabing aktibidad ay tinaguriang “Lawyers to the Benepisyaryo” na pinangunahan ni regional director Atty. Marvin V. Bernal kasama sina Atty. Ronnil Rosillo, chief legal officer ng DAR-Mimaropa at ang mga provincial legal chiefs na sina Atty. Javie Fruelda, Atty. Reychelle Villarta, at Atty. Jehan Tabayag.

Unang tinungo ng grupo ang bayan ng Taytay noong Hulyo 13, kung saan 196 magsasaka dito ang nabigyan ng libreng legal assistance, kaugnay ng problema sa lupa.

Umabot naman sa 96 mga magsasaka ang nabigyan ng kahalintulad na serbisyo sa bayan ng Roxas noong Hulyo 14. Isinagawa ito sa Barangay 2.

- Advertisement -

Ang ‘Lawyers to the Benepisyaryo’ ay isang programa ng DAR na nagbibigay ng libreng legal assistance at konsultasyon sa mga Agrarian Reform Beneficiaries (ARBs) nito.

Ayon kay Fedeleo De Guzman, Information Officer ng DAR-Palawan, sa dalawang nabanggit na munisipyo sa Palawan pa lamang naisagawa ang ‘Lawyers to the Benepisyaryo’ at umaasa sila na sa mga susunod na pagkakataon ay maisagawa din ito sa iba pang munisipyo upang mas maraming mga magsasaka na benepisyaryo ng agrarian reform program ng DAR na may problema sa lupa ang maabot at matulungan. (OCJ/PIA-MIMAROPA, Palawan)

About Post Author

- Advertisement by Google -
Previous articleSmall town boys dream big for Philippine film industry
Next articleTatlo arestado sa Agutaya dahil sa pangingisda gamit ang compressor