Isang bananacue vendor ang inaresto ng mga awtoridad matapos mahuling nagbebenta ng illegal na droga sa Koche-Koche Street, Barangay Maningning, Lunes ng hapon.
Kinilala ni Richard Ligad, hepe ng Anti-Crime Task Force (ACTF) ang suspek bilang si Bobby Ola delos Santos, 42, residente ng nasabing barangay.
Ayon kay Ligad, nahuli si Delos Santos matapos makabili sa kanya ng isang sachet ng hinihinalang shabu ang kanilang undercover agent sa halagang P500.
Sinabi ni Ligad na dati nang nahuli ang suspek.
“One month siyang nasa surveillance at katulad ng nahuli sa Barangay Mandaragat, dati na rin siyang nahuli,” ayon kay Ligad.
Ang buy-bust operation ay isinagawa ng pinagsamang puwersa ng Police Station 1 at 2, City Drug Enforcement Unit at Anti-Crime Task Force.
About Post Author
