Namatay ang isang ina at kanyang anak habang sugatan naman ang isa pang dalagitang anak matapos sumalpok sa isang pampasaherong van ang kanilang sinasakyang motor, Lunes ng umaga sa Barangay Burirao, Narra.

Kinilala ng mga awtoridad ang mga biktima na sina Daisy Cayabo Cipriano, 45; Diego Cayabo Cipriano, 4; Maria Belen Cipriano Cayabo, 15; at ang drayber ng van na si Argele Caputilla, 45.

Ayon kay P/Maj. Romerico Remo, hepe ng Narra Municipal Police Station (MPS), binabagtas ng sasakyan ng mag-iina ang highway ng biglang nag-overtake ang nakasunod sa kanilang van na minamaneho ni Caputilla.

Matapos mag-overtake, biglang huminto ang van na naging dahilan ng pagsalpok ng motor na sinasakyan nila Cipriano.

Nadala pa sa ospital ang mag-iina, ngunit binawian rin agad ng buhay si Daisy at ang apat na taong gulang na si Diego.

- Advertisement -

Samantala, hawak na ng mga awtoridad ang drayber ng van at may kakaharaping kasong reckless imprudence resulting to double homicide at physical injury.

Previous articlePalawan to host Nat’l Arts Month for Luzon 2020
Next articlePPCWD asks to report chlorine presence in water
Jayra Joyce Cañete Taboada handles the law and order and the science and education beats. She is also a licensed professional teacher.