SAN VICENTE, Palawan — Nagbigay ng mga bulaklak ang mga operatiba ng 3rd Platoon ng 401st Regional Mobile Force Battalion (RMFB) sa ilang mga nanay sa bayan na ito noong Linggo, May 9, bilang bahagi ng pagdiriwang ng Mother’s Day. 

Bawat makasalubong nilang nanay ay bingyan ng bulaklak para alalahanin ang kanilang kadakilaan at sakripisyo para sa pamilya.

Ayon kay P/Cpt. Joseph Erpelo, naisipan nila ito para pasayahin ang araw ng mga nanay at alalahanin din ang kanilang sariling ina, lalo na’t sila ay nasa malayo at hindi sila makakasama.

“Sa ganitong paraan ay naipadama namin sa mga nanay na special sila. At dahil nga malayo kami sa aming mga magulang (nanay) na nagsilbing inspirasyon namin mula noon hanggang ngayon sa trabaho namin. Kaya dito na lang namin na-express sa simpleng pagbati at bigay sa kanila ng mga bulaklak,” sabi naman ni Michael Angelo Villaverde ng RMFB

Sa kaugnay na balita, sa Barangay Alimanguan naman ay maagang bumati at nagbigay din ng mga bulaklak sa mga simbahan ang grupo ng kabaatan ng Alimanguan San Vicente Skimmers  at ang Alimanguan LGBTQ Sa pangunguna ng kanilang SK chairman na si Phil Dordones.

- Advertisement -

Previous articleNegosyante na pinaghihinalaang drug pusher, arestado sa Coron
Next articleITCZ brings early morning rains over Puerto Princesa, other Palawan towns
is the correspondent of Palawan News in San Vicente, Palawan. He also covers politics, government policies, tourism, health and sports. His has interest in travelling and exploring different places and food.