MGA BIRSONG CUYONON PA!

Dr. Jun Magbanua

Ipadayon ko anay ang pag prisinta ang mga birsong poiding mag ated i mayad nga kinaisipan. Asambit ko datong ona sa akeng ing solat nga konako midio maraway manda ang iba sa ateng manga kinaogaliang birso.

 

Dagi pa ang alimbawa ang akeng ing koko’n kanindo:

 

MI MANOK AKONG BOKAY

 

Mi manok akong bokay,

Ing igot ko sa kilid ang baybay;

Ag lebas si Dang Kikay,

Ing tosik anang xxxxxxx!

 

Ako aga isip, ayamo kabay kondato? Animan kitang manga Cuyonon, prosigiran tang bago’n ang manga bagay nga poidi ig dapat bago’n. Isipen ta ang maga darason nga inirasyon kanaten.

 

Dagi roman ang manga alimbawa ang manga birsong poidi tang ipabasa sa ateng manga kabata’n. Selenga indo i patigayon.

 

ANG MANOK I DANG KIKAY

 

Mi manok si Dang Kikay

Anang bolbol ay bokay;

Madangmit i’got sa mi baybay

Pag tana a’pangotkot i koday.

 

Ang aka lilipay pa kanana

Manigbata piro aga torok tana;

Ig kong mi tao nga maglebas

Sasalidsiden na ig maga pangaskas.

 

 

BABOY-BABOY

 

Baboy-baboy nga mairintek

Nga aga istar sa barerek;

Makalam-kalam sa alima

Pag ing awidan mo sanda.

 

Ara ra i’gagamitan

Kakarawaten da lamang;

Pag ang bata ing takan

Irarabon anda ren dan.

 

Mga bata maski kondan

Baboy-baboy ay andaman;

Sanda ing boat da ang Gino’

Mi isarang dailan sigorado.

 

You may also like...